Um Tenerfie

Tenerífe liggur við strönd Vestur Afríku í Atlantshafinu.

Hún tilheyrir Spáni og er stærst og fjölmennust Kanaríeyja og fjölmennasta eyja Spánar. Eyjan er í laginu eins og þríhyrningur og höfuðborg hennar er Santa Cruz de Tenerife. Talið er að frumbyggjar eyjarinnar hafi komið til hennar frá norður Afríku á árinu 1000 fyrir krist og var eyjan í fyrstu nefnd Achinet.
Á 15. öld komu trúboðar frá Katalóníu til eyjarinnar og eftir 100 ára átök evrópulanda um völd á eyjunni var hún innlimuð í Spánarveldi árið 1496. Borgin San Cristóbal de La Laguna varð í fyrstu höfuðborg Kanaríeyjum, þar til á 19. öld þegar Santa Cruz de Tenerife tók við. Árið 2014 bjuggu 889.936 íbúar á Tenerife og er hún mjög vinsæll áfangastaður ferðamanna en um fimm milljónir ferðamanna heimsækja hana árlega.
Á Tenerífe er eldfjallið Teide (3,718 m á hæð) sem er hæsta fjall Spánar og þriðja stærsta eldfjall í heimi. Á norðurhluta Tenerífe er borgin San Cristóbal de La Laguna sem er á heimsminjaskrá UNESCO. Í höfuðborginni er árlega haldin ein stærsta kjötkveðjuhátíð í heimi, á eftir kjötkveðjuhátíðinni í Rio de Janeiro í Brasilíu, kjötkveðjuhátíðin í Santa Cruz de Tenerife.
Helstu ferðamannastaðir eyjarinnar eru: Teide, hæsta fjall á Spáni og þriðja stærsta eldfjall í heimi og er Nacional del Teide heimsminjaskrá UNESCO. Borgin San Cristóbal de La Laguna hefur verið á heimsminjaskrá UNESCO frá árinu 1999. Í borginni er fjöldi kristinna kirkna og klaustra. Þar er Dómkirkjan í San Cristóbal de La Laguna, aðsetur biskups Vestur-Kanaríeyja. Á norðurhluta eyjarinna er skóglendið Anaga sem hefur verið verndað síðan 2015.

Facebook